ეკა ავაზაშვილი: რუსული ენის წრე

წრის სამუშაო გეგმა
2019-2020 სასწავლო წელი

წრის დასახელება:"Весёлый русский язык"

სკოლა: სსიპ-ყვარლის №2 საჯარო სკოლა
კლასი: V

მოსწავლეთა რაოდენობა:14

მასწავლებელი:ეკატერინე ავაზაშვილი

წრის მიზანი:

დამატებითი მეცადინეობა დაეხმარება მოსწავლეებს განუვითარდეთ მოსმენის, ყურადღების კონცენტრირების, წერა-კითხვის, ლაპარაკის და თანამშრომლობის უნარ-ჩვევები;დამოუკიდებლად მუშაობის უნარ-ჩვევები; გრამატიკული და ლექსიკური ერთეულების შესწავლისას სტრატეგიების სწორად გამოყენების უნარ-ჩვევები; სწავლების პროცესში დამხმარე რესურსების-ლექსიკონის, მოძიებული ინფორმაციის, ტაბულებისა და სქემების გამოყენების უნარ-ჩვევები.

მეცადინეობებზე განსაკუთრებული ყურადღება დეთმობა რუსული ენის შესწავლის მიმართ ინტერესისა და მოტივაციის გაზრდას, სასიამოვნო და მიმზიდველი გარემოს შექმნას.გათვალისწინებული იქნება მოსწავლეების ინტერესები და მიზნები.

მეცადინეობები აგებული იქნება შემდეგი მიმართულებებით:

აუდირება - მოსწავლეებს უნდა გამოუმუშავდეთ უნარი მოსმენით აღიქვან აუდიო მასალა/ანდა მასწავლებლის მიერ წაკითხული უცხოენოვანი (რუსული) სიტყვები, მოკლე წინადადებები,პატარა მოცულობის ტექსტები; ისწავლონ და ერთმანეთს დაუკავშირონ ვიზუალური და ვერბალური ინფორმაცია, რაც აუცილებელია ახალი ლექსიკური ერთეულების უკეთ აღსაქმელად და ასათვისებლად; უნდა ისწავლონ მოსმენილი ტექსტიდან გამოყონ მთავარი ინფორმაცია; გაიგონ მასწავლებლის ინსტრუქცია; შეადგინონ მცირე მოცულობის დიალოგები და ტექსტები;

კითხვა - მოსწავლეები შეისწავლიან ანბანს, კითხვას კითხვის წესების სწორად გამოყენებით ხმამაღალი კითხვისას, მოცემულ ტექსტში გამოყოფენ და წაიკითხავენ კონკრეტულ ინფორმაციას, გაიგებენ ტექსტის ყოფით ხასიათს, დაამუშავებენ ლექსიკურ ერთეულებს, გაიგებენ დავალების პირობას;

წერა - მოსწავლეები შეისწავლიან ასოების, სიტყვების, წინადადებების წერას, შეძლებენ ნიმუშის მიხედვით დამოუკიდებლად შეასრულონ მოცემული ტაბულების შევსება სწორი გრამატიკული ფორმებით; მოსწავლეები შეძლებენ შეადგინონ მცირე მოცულობის ტექსტები ( კითხვები, პასუხები, მოკლე წინადადებები, მინი-დილოგები) , გამოიყენონ შესწავლილი ლექსიკურ-გრამატიკული მასალა;

ლაპარაკი - მოსწავლეები შეძლებენ თემის მიხედვით მარტივ ინტერაქციაში მონაწილეობის მიღებას, ემოციებისა და საკუთარი აზრების გამოხტვას; შეძლებენ მცირე მოცულობის ტექსტის მოყოლას, საკუთარი ნამუშევრის პრეზენტაციას, რომლის დროსაც გამოიყენებენ ყველას საჭირო ლექსიკას, შესწავლილ ლექსიკურ-გრამატიკულ კონსტრუქციებს.

წრეზე მუშაობის პროცესში ეტაპობრივად გამოვლინდება დ დადგინდება მოსწავლეთა საჭიროებები და მათზე მუშაობას მიექცევა ყურადღება.

სწავლების პროცესში მოსწავლეებს მიეცემათ თვითგამოხატვის საშუალება შემოქმედებითი გზით:თემების მიხედვით გამოსცემენ გაზეთებს (თვითნაკეთი გაზეთბი),ბუკლეტებს, ალბომებს, სადაც ჩაწერენ რუსულ ლექსებს, გამოცანებს, ინფორმაციებს, ზღაპრებს, გააფორმებენ საკუთარი ნახატებით.

სასწავლო წლის მანძილზე განხორციელებულ აქტივობებს ავსახავთ Power Point-ში და საწრეო მუშაობის პრეზენტაციას მოვახდენთ სკოლის საზოგადოების წინაშე შემოქმედებითი ღონისძიების თანხლებით.მოწვეულ საზოგადოებას საშუალება ექნება დაათვალიერონ მოსწავლეების მიერ შექმნილი რუსულენოვანი შემოქმედებითი რესურსები.

საწრეო მუშაობის პროგრამა მოიცასვს ესგ-ით გათვალისწინებულ აქტივობებს.

სასწავლო რესურსები: სახელმძღვანელოები, რვეულები, კალმები, ფერადი ფანქრები, პასტელები, ფლომასტერები, საღებავები, ფერადი ქაღალდები, ფერადი ლენტები და ცარცები, დაფა, ქაღალდის წებო, მაკრატელი, თაბახის ფურცლები, კომპიუტერი, ინტერნეტრესურსები, ვიდეო-აუდიო მასალა, ფლეშმეხსიერება და სხვა.

წრის სამუშაო პროგრამა თემატურად ასე დალაგდება:

1.ანბანი;

2. გრამატიკული მასალა (არსებითი სახელი, ნაცვალსახელი, ზმნა, თანდებული...);

3. თვლა (1-12-მდე, რაოდენობითი და რიგობითი რიცხვითი სახელები);

4. ოჯახი (ოჯახის წევრების დასახელება და აღწერა, დაილოგისა და ტექსტის აგება...);

5. პროდუქტები ( დასახელება და აღწერა,ინტერაქტიური თამაში "ერთხელ მაღაზიში"...);

6. ტანსაცმელი;

7. წელიწდის დრო;

8. წელი, თვე, რიცხვი;

9.დაბადების დღე;

10. შემაჯამებელი საწრეო მუშაობა (წერით და ზეპიირი).

საწრეო სამუშაოს ხანგრძლივობა: I- II სემესტრი.

ერთი შეხვედრის ხანგრძლივობა: 45 წუთი. შეხვედრა კვირაში ორი დღე:ორშაბათი, ხუთშაბათი გაკვეთილების შემდეგ.

კითხვარი მშობლებისთვის

სახელი და გვარი:
მოსწავლის სახელი და გვარი:
1. თანახმა ხართ, რომ თქვენი შვილი ჩაერთოს საწრეო მუშაობაში?
ა) დიახ; ბ) არა;
2.ხართ თუ არა ინფორმირებული საწრეო მუშაობის განრიგისა და გეგმის შესახებ?
ა) არა; ბ) დიახ;
3. როგორ ფიქრობთ, აღნიშნული საწრეო მუშაობა შეუწყობს თუ არა ხელს თქვენი შვილის ცოდნის გაღრმავებას?
ა) დიახ; ბ) ნაწილობრივ; გ) არა;
4. როგორ ფიქრობთ, რამდენად არის მორგებული წრის მუშაობის გეგმა თქვენი შვილის ინტერესებზე?
ა) ნაწილობრივ შეესაბამება; ბ) არ შეესაბამება; გ) სრულად შეესაბმება;
5. ელოდებით თუ არა შედეგს საწრეო მუშაობის დასრულების შემდეგ?
ა) ველოდები; ბ) ნაწილობრივ; გ) არ ველოდები;

მოსწავლის კითხვარი

მოსწავლის სახელი, გვარი:
1.დროულად მოგეწოდათ თუ არა ინფორმაცია რუსული ენის წრის შექმნის შესახებ?
ა) დიახ; ბ) არა;
2. საწრეო მუშაობის დროს განხილული საკითხები გეხმარებოდათ თუ არა ცოდნის გაღრმავებაში?
ა) ნაწილობრივ; ბ) არა; გ) დიახ;
3. საწრეო მუშაობის დროს, მასწავლებლის მიერ განხილული აქტივობები იყო თუ არა საინტერესო და მრავლფეროვანი?
ა)არა; ბ) ნაწილობრივ; გ) დიახ;
4. იყო თუ არა მეგობრული და კეთილგანწყობილი გარემო?
ა)დიახ; ბ) არა; გ) ნაწილობრივ;
5. როგორ შეაფასებდით საწრეო მუშაობას?
ა) დადებითად; ბ) უარყოფითად; გ) ნაწილობრივ საინტერესოდ;

აუდიო-ვიდეო მასალა

Два весёлых гуся